粤语版

酒楼改名

前日中午，海珠区信裕路一小区花园，两位阿叔嘅对话。

阿叔A：出面新开嗰间酒楼改咗名喔。

阿叔B：系咩？先开咗一个月度喔。

阿叔A：系啊，嗰日我去饮茶入去嗰时都冇留意到个招牌改咗，后嚟坐落啲服务员讲我先知。

阿叔B：少有喔，开咗一个月就换老细。

阿叔A：佢哋话冇换老细，剩系改咗店名咋。

阿叔B：咁嗰啲服务员有冇换啊？

阿叔A：有啊，你都记得嘎，新开张嗰时啲服务员好多都系女嘅，宜家全部换晒啲僆仔。

阿叔B：咁点解改店名嘅？

阿叔A：唔知呢，佢哋都冇讲。

阿叔B：咁宜家啲出品同价钱点呀？

阿叔A：我觉得同以前差唔多，仲可以。

阿叔B：咁只要啲嘢抵食夹大件，话知佢叫乜嘢名啦。

普通话版

酒楼改名

前日中午，海珠区信裕路一小区花园，两位大叔的对话。

大叔A：外面新开那家酒楼改了名字喔。

大叔B：是吗？才开了也就一个月喔。

大叔A：是啊，那天我去喝茶进去时都没留意到那招牌改了，后来坐下来服务员才告诉我的。

大叔B：少有喔，开了一个月就换老板。

大叔A：他们说没换老板，只是改了店名而已。

大叔B：那些服务员有没有换啊？

大叔A：有啊，你也记得吧，新开张时那些服务员很多都是女的，现在全部换成了小伙子。

大叔B：那干嘛要改店名？

大叔A：不知道呢，他们也没讲。

大叔B：那现在的出品跟价钱咋样呀？

大叔A：我觉得跟以前差不多，还可以。

大叔B：只要东西便宜分量大，管它叫什么名字啦。

粤语释词

僆仔

“僆仔”粤语读leng1 zai2 ，指男孩子、小伙子。同样，女孩子、大姑娘则称为“僆女”或“僆妹”。

僆，古义解作雏鸡，即小鸡，粤语将其引申用作形容年龄小、少者。

时报读者 袁肃