粤语版

两公婆嗌交

某日中午，天河南一茶餐厅，两位后生仔嘅对话。

A：你今晚有冇事啊？约埋明仔佢哋出嚟食饭啦。

B：大佬，我寻晚先陪你开台，今晚又去食饭……你唔使返屋企陪老婆嘅咩？

A：同个老婆嘈交，成个星期都冇讲嘢喇。

B：男人老狗学人冷战啊？你想同个老婆离婚？谂清楚啊。

A：又冇话要离婚，不过揾唔到借口落台啫。

B：咁你自己谂下因咩事嘈，唔系原则问题嘅，咪认下低威，氹两句咪算啰。

A：就算唔系原则问题，咁点解次次都系我认低威呢？揾次佢氹返我唔得嘅？

B：你系男人嚟嘎，让下佢就算啰。落班约个老婆食饭，唔好日日搞到好似无家可归咁样。

普通话版

夫妻吵架

某天中午，天河南一茶餐厅，两位年轻人的对话。

A：你今晚有没有事啊？约上小明他们出来吃饭吧。

B：大哥，我昨晚才陪你打牌，今晚又去吃饭……你不用回家陪老婆的吗？

A：和老婆吵架，整个星期都没说话了。

B：大男人学别人冷战？你想和老婆离婚？想清楚啊。

A：又没有说要离婚，不过找不到理由下台而已。

B：那你自己想想因为什么事情吵架，不是原则问题的，那就让让步，哄两句算了。

A：就算不是原则问题，那为什么每次都是我让步？找一回她哄我不行？

B：你是男人嘛，让让她就算了。下班约老婆吃饭，不要整天弄得好像无家可归一样。

粤语释词

认低威

承认自己的不足或愿意放下身段去接受他人的意见或建议，或者在某些情况下选择让步、不争斗。

时报读者 珍姐