粤语版

坐地铁

某日晏昼，体育西地铁站口，一对拖友嘅对话。

男：做咩嬲爆爆咁嘅？又边个得罪你啊？

女：我从芳村企到过嚟啊，车上边人又多，企到好攰啊。

男：咁你唔揾个位坐？你上车嗰个站唔系好多人嘅啫。

女：讲起就嬲喇。本嚟我系有位坐嘎，点知后嚟有个人喺花地湾上车，一坐就坐喺我隔篱。条友好鬼掗拃，佢只脚都贴埋过嚟喇。

男：系啊系啊，我都试过。有啲人拉行李箱上车，一个人就坐咗差唔多两个人嘅位。

女：佢咁样我咪起身啰，之后就冇位坐喇。

男：十几个站，又真系几攰嘅。不过好在坐地铁唔会塞车，咪先有排企。

女：呢个时候从芳村过嚟，梗系拣地铁啦。

普通话版

坐地铁

某天下午，体育西地铁站口，一对情侣的对话。

男：干嘛这么生气的样子？谁又得罪你了？

女：我从芳村站着过来的啊，车上人又多，站得好累啊。

男：那你不找个位子坐？你上车那个站不是很多人的呀。

女：说起来就让人生气。本来我是有位子坐的，谁知道后来有个人在花地湾上车，坐在我旁边。他一个人就占了很多地方，他的脚都贴过来了。

男：对对对，我也试过。有些人拖着行李箱坐车，一个人就坐了差不多两个人的位置。

女：他这样我就只能站起来了，之后就没位子坐了。

男：十几个站，还真是挺累的。不过幸好坐地铁不会堵车，不然要站很久。

女：这个时候从芳村过来，当然选地铁啦。

粤语释词

掗拃

“掗拃”亦作“掗掗拃拃”，形容人手脚张大并占用不少空间，有碍手碍脚、霸道之意。

时报读者 家明