粤语版

小区装修管理

琴日中午，芳村大道一小区，一位业主同一位保安嘅对话。

业主：琴日中午1点左右，我啱啱瞓着，楼上就开始装修喇，唉……

保安：我哋知道呀，咪派咗人上去叫佢哋停工啰。

业主：唉，你哋搞得嚟都俾佢哋嘈咗半个钟喇，仲边使瞓。

保安：唔好意思啊，我哋人手紧，上去系迟咗啲。

业主：你哋剩系识讲“唔好意思”有咩用，谂下计嘛。

保安：咁你有咩好建议呢？

业主：你哋可以学下我叔仔嗰个小区嘛，佢哋嗰度规定，如果业主喺唔俾装修嘅时间内装修，就罚佢哋第二日迟一个钟头开工，到时，保安就去佢哋楼层站岗一个钟头监管，所以佢哋冇人敢违反嘎。

保安：呢条桥都几好喔，我哋同经理反映一下先。

普通话版

小区装修管理

昨日中午，芳村大道一小区，一位业主同一位保安的对话。

业主：昨天中午1点左右，我刚刚睡着，楼上就开始装修了，唉……

保安：我们知道呀，不就派了人上去叫他们停工咯。

业主：唉，你们弄得来都让他们嘈了半个小时了，都不用睡了。

保安：不好意思啊，我们人手紧，上去是迟了点。

业主：你们光会说“不好意思”有啥用，想想办法嘛。

保安：那你有啥好建议呢？

业主：你们可以学学我小叔那个小区嘛，他们那里规定，如果有业主在不给装修的时间内装修，就罚他们第二天迟一个小时开工，到时，保安就到他们楼层站岗一个小时监管，所以他们没人敢违反的。

保安：这个办法挺好的喔，我们跟经理反映一下。

粤语释词

桥

本文粤语中讲的“桥”读kiu2，指办法。

粤语将想办法、想点子称为“度桥”（dok6 kiu2），其中“桥”源自以前粤剧戏班，剧本作者构思出的内容称为“桥段”。

时报读者 袁肃